Te voilà flotté très cher Bleu et Rouge!
Si aujourd’hui nous ôtons nos chapeaux, ce n’est pas pour jouer les prétentieux ni pour montrer nos coupes de cheveu, mais pour nous plaire à saluer avec respect notre beau DRAPEAU qui célèbre son 207ème printemps.
Conçu par le Général Jean Jacques Dessalines, cousu par Mademoiselle Catherine Flon, une jeune femme créole aux doigts de feu et au cou délicat, natif de 18 mai, notre BICOLORE, au-dessus de nos têtes, fait notre fierté par son BLEU fort atteignant le summum de la perfection et par son ROUGE renversant nous rappelant le sang de nos ancêtres versé pour notre liberté et notre dignité.
Voici donc un mot en créole à son égard.
Ble e wouj nou
Gade sou tèt ma drapo nou
Wa wè ble e wouj nou tou limen
Byen klere, potre yon zetwal 18 me
Ki pral file
Nan ge zegwi Manzè Katrin Flon,
Nan lakou Lakayè
Li tankou yon kap
Kap layite nan bon jan van
Sou tèt palè nasyonal.
On sèl kout zèl li sifi
Pou leve yon madanyogann.
Ble e wouj nou, kanpe telman wo
Menm mét minui, janmdebwa ak bwapiwo
Paka fouti touche pwent pye l’
Paske nanpwen BLE
Ki BLE tankou BLE l’
Ni WOUJ ki san
Tankou WOUJ li.
Ble e wouj nou chèlbè
Li konn kale brodè,
Li konn abiye, li pote mak LIBETE,
Palmis, poto mitan kay tout moun
Ki kwè nan libète ak fratènite,
Flanm dife fanm ak gason vanyan
Ki pran lannwit madan koloni
Pou fè lanjounen maman libète.
Lè ble e wouj nou
pran bay payèt
Nan mitan pil drapo peyi Loni yo,
Li potre yon zwazo prentan
Kap resevwa ochan,
On fa ble e wouj
Kap viwonnenn, limentenyen lot yo
Lè nou pran gade sa,
Je nou pran dife,
Zèklè file nan kè nou,
Nou gen lafyèv lajwa!
Se pou sa, anba lonbray li pou nou kanpe
Menm si nap viv nan ziltik,
Menm si yo ta rele nou grenn pwomennen
Paske nal bouske lavi byen lwen.
Pa bliye, nou se ti poul kay
Anvan lanjelis sonnen,
Se pou nou tounen lakay
Al bay lanmen
Ak sila yo ki pa fè wonn pot.
Konsa, lè 18 me rive,
Tout fanm va mete bel kako
Mouchwa fleri sou pwent tèt,
Gason yo va met tout fonmal yo deyo
Pou al kanpe sou deran
Salye drapo nou kap passe,
Admire timoun lekol ak jenn etidyan
Kap paweze anba solèy cho
Ak bèl fanm kreyol
Kap taye banda anba labanyè